بسم الله والصلاة على رسول الله
رواية احببت طفلة
الجزء الرابع
رواية احببت طفلة
الجزء الرابع
وقفنا الحلقة اللي فاتت لما عمر كان عايز يقول حاجة لسارة
عمر : عايزك في موضوع ضروري
سارة : خير يا عمر قلقتني
عمر : بصراحة كدة انا بحب ريم
سارة : 😮😮😮
عمر : ايه يا حاجة انتي
سارة : انت بتتكلم جد ولا بتهزر
عمر : بتكلم جد طبعا
سارة : طب وبتحبها من ايمته
عمر : من أول مرة شوفتها فيها لما كانت عندك في الأوضة وانا فتحت الباب من ساعتها وانا حبيتها
سارة : طب انت عايز ايه الوقت
عمر : عايزك تقوليلها انتي اختي ولازم تساعديني
سارة : بس انا مش هعرف اقولها
عمر : طب والحل ايه الوقت انا هتحرج اروح اقولها كدة وخايف كمان لتحرجني
سارة : عمر انت متأكد انك بتحبها بجد دي صغيرة
عمر : طبعا متأكد انا مش عارف انا حبيتها كدة ازاي من ساعة ماشوفتها وهي خطفتني
سارة : يا سلام يا ولاد عشت وشوفتك يا عمر بتحب
عمر : اخلصي اقولها ازاي
سارة : احنا ممكن نقول لرحمة تقولها هي صاحبتها
عمر : تصدقي فكرة ...خلاص انا هكلم رحمة وهقولها تقولها انا هتصل بيها الوقت
سارة : استني ياعم الوقت ايه انت عارف احنا الساعة كام وبعدين ماهي جاية بكرة
عمر : لا مش هعرف استني لبكرة
سارة : يخربيتك ده انت واقع
عمر : اوي .... استني هتصل
رحمة بصوت ناعس : الو
عمر : ايوة يا رحمة انتي نايمة
رحمة : خير يا عمر فيه ايه
عمر : انا بحب ريم
رحمة : ريم مين
عمر لا وحياة أمك اصحي كدة معايا ريم صاحبة اسماء أختك
رحمة : نعم !! انت بتهزر
عمر : يعني بزمتك انا مصحيك علشان اهزر معاكي في موضوع زي ده 🙄
رحمة : غريبة عمر اللي عمره حتي ما كلم بنت يحب كدة ده احنا نعمل فرح
عمر : انا عايزك تقوليلها
رحمة : ماشي هقولها
عمر : هي ممكن متوافقش ؟
رحمة : مش عارفة والله يا عمر أصل ريم صغيرة اوي وكمان هي مش ليها في الحاجات دي
عمر : اااااه الله يطمنك ... ده بدل ما تطمنيني تقوليلي كدة
رحمة : هههههههه والله انا هقولها واشوف
عمر : ماشي سلام
رحمة : سلام
وبعد ما قفلت رحمة
رحمة لنفسها: ههه والله غريبة بقه عمر يحب وكمان ريم يا سبحان الله يلا أما اكمل نوم بقه
.......................................................
ونسيب رحمة نايمة ونروح لبطلنا
عمر : تفتكري يا سارة هي هتوافق
سارة : الله أعلم
عمر : انتو بتعملوا فيا كدة ليه ده بدل ما تقوليلي اه هتوافق
سارة : الله يعني اضحك عليك وانا اشعرفني انا هي هتوافق ولا لاء
عمر : ماشي يا سارة
سارة : طب ايه
عمر : عايزة ايه
سارة : كلك نظر يعني انت عارف الساعة كام عاوزة انام
عمر وهو بيضربها بالمخدة : اتخمدي
وخرج عمر من الأوضة وراح علي اوضته
عمر وهو بيكلم نفسه : يارب توافق يارب
ويروح عمر في النوم
وتاني يوم يصحي عمر من النوم
عمر : صباح الخير يا ماما
الأم : صباح النور يا عمر ايه ملبستش ليه
عمر : مش رايح الكلية النهاردة
سارة بذهول : بقه معقول عمر مايروحش الكلية دي القيامة هتقوم يا جدعان
عمر : اتلمي واخرسي 🤐
الأم : مالك يا عمر انت تعبان
عمر : لا يا ماما انا تمام بس معنديش حاجة مهمة النهاردة
الأم : ماشي يا حبيبي انا هقوم اعملك فطار
عمر : ماشي
وبعد ما الأم تمشي
سارة : ايه يا عمر مش هتروح الكلية ليه
عمر : مستني رحمة
سارة : للدرجادي يا عمر مستعجل
عمر : اوي اوي
سارة : يا عيني ع الحلو لما تبهدله الأيام 😂
عمر : اخرسي
سارة : 🤐🤐🤐
..........................................
نروح عند رحمة
رحمة : مامااا يا مامااا
الأم : ايه الصوت ده عايزة ايه
رحمة : انا خارجة النهاردة
الأم : راحة فين
رحمة : راحة عند خالتو
الأم : ايمته
رحمة : ع العصر كدة
الأم : ماشي
نروح عند بطلتنا وهي لسه في المدرسة
المعلمة : ريم
ريم : .......
اسماء بتخبط ريم في دراعها : المعلمة بتنده عليكي
ريم : انا آسفة
المعلمة : كنتي سرحانة في ايه يا ريم
ريم : انا آسفة يا معلمة
المعلمة : ماشي اتفضلي اقعدي وياريت تبقه آخر مرة
وبعد ما اليوم الدراسي خلص وهما مروحين في الطريق
اسماء : مالك يا ريم حساك متغيرة دي أول مرة تسرحي في الحصة
ريم : هه بتقولي حاجة
اسماء : لا ده الموضوع كبير مالك يابنتي فيه ايه انتي تعبانة
ريم : لا انا كويسة
اسماء : اومال مالك سرحانة علطول ليه
ريم : مفيش بس بفكر في حاجة
اسماء :ايه اللي واخد عقلك
ريم : بطلي بقه انا طالعة البيت سلام
اسماء : سلام
اسماء لنفسها : اقطع دراعي من هنا اهو ان الموضوع ده فيه عمر ابن خالتي
وبعد ما طلعت اسماء البيت
اسماء : انا جييت يا أهل الدار
رحمة : دايما عاملة قلق ودوشه كدة
اسماء : مش احسن منك علي الأقل مش بدخل من الباب اقول جعانة
رحمة : كلبة 😒
اسماء : اومال انتي مغيرة كدة وعلي فين
رحمة : راحة عند سارة
اسماء : امممم ماشي ياختي
رحمة : انا ماشية يا ماما
الأم : ماشي سلمي علي خالتك
رحمة : ماشي سلام
.............................................
عند ريم في البيت بعد ما طلعت وغيرت هدومها
ريم لنفسها : مالك يا ريم بتفكري فيه كدة ليه وكمان بتسرحي في الحصة ... فوقي لنفسك ممكن يكون وهم وهو ولا علي باله أصلا انا احسن حاجة اقعد أحفظ قرآن وبعد كدة اذاكر
نروح عند بطلنا بقه
عمر يفتح الباب لرحمة
عمر : ها عملتي ايه
رحمة : كويسة يابن خالتي الله يخليك
عمر : لا سيبك من الكلام ده عملتي ايه مع ريم
رحمة : يخربيتك هو انا لحقت ده انت مكلمني نص الليل و يادوب صحيت وجيت اهو وبعدين اوعي كدة دخلني الأول
عمر : ادخلي ياختي بيتك ومطرحك
رحمة : طبعا بيتي ... اومال انتوا طابخين ايه النهاردة
عمر : همك علي بطنك كدة
رحمة : هو فيه احلي من الأكل 😂
عمر : هعملك كل اللي انتي عايزاه
رحمة : الله ماشي
عمر : بس قبل اي حاجة قوليلي هتعملي ايه مع ريم
رحمة باستعباط : اومال سارة فين
عمر : ماتسطعبتيش وقولي
وتيجي عليهم سارة
سارة : حبيبتي
عاملة ايه وحشاني
وتسلم عليها وتبوسها
رحمة : وانتي كمان وحشتيني اوي
عمر : يخربيت شغل البنات ده 😏
سارة ورحمة : وانت مالك
عمر : اخلصوا قبل أمي ما تيجي هنعمل ايه
رحمة : بص يا عمر بجد بقه تعالي نقعد كدة هقولك علي حاجة
عمر : ..........
ياتري رحمة هتقول لعمر ايه ؟
وياتري رحمة هتقدر تساعد عمر ولا لاء
ده اللي هنعرفه الحلقة الجاية
للحلقة الخامسة اضغط هنا
ليست هناك تعليقات:
إرسال تعليق